In tempu è locu di e festività patrunale di a San Ghjacumu i 28, 29 è 30 di Lugliu, a rinascita di marignana urganizarà in paese, a dumenica 30 à 22 ore in Piazza Antone Grimaldi un festivale di a canzona corsa.
Istu festivale sarà apartu à autori, cumpositori, interpretatori chi saranu scelti da ghjuratu capace, di musicanti, cantadori è linguisti corsi..
L'artisti cantaranu una canzona in lingua corsa ancu à stampà o publicà. I primi vinciaranu: «  UNA MUVRA d'Oru » è un regitramentu in studio. Da i sicondi è i terzi « UNA MUVRA d'Argentu è una di Bronzu » piu trè è duie nuttate in meza pinsione ind'un palazzu di u nostru rughjone.
U Ghjuratu farà un rigulamentu pricisu un mese innanzu à u Festival, è u Prisidente di u ghjuratu darà u risultatu à u publicu à la fine di e deliberazione.
Par parmmette a realisazione di stu prughjetu, una spunsorisazione hè privista incu a mostra di « chjappette » publiciarie pruposte da i nostri cullaburatori.
Par tutta cumanda vi sarà rimessa una fattura da:

« A RINASCITA DI MARIGNANA. »

U prugrama di e festivita sarà distribuitu à più di 3000 copie in Corsica è in cuntinente à partesi da u 10 di Lugliu par a rivista «  A VOCE DI MARIGNANA » è dinò in lu so situ Internet (in traccia di fassi) durente 10 mesi. D'altri media audiovisuali participaranu di manera à prumove è copre u nostru  Festivale.
In nome di tutta a squadra di A Rinascita, vi ringraziu par u vostru aiutu in lu scopu di a realisazione è a riescita di stu primu.